বিজ্ঞানৰ বিভিন্ন কেৰিয়াৰ

পদাৰ্থবিজ্ঞান, ৰসায়নবিজ্ঞান আৰু গণিত

পদাৰ্থবিজ্ঞান হৈছে এনে এক বিজ্ঞান, য’ত পদাৰ্থ আৰু ইয়াৰ গতিৰ বিষয়ে অধ্যয়ন কৰা হয়৷ পদাৰ্থবিজ্ঞানে সাধাৰণতে শক্তি আৰু বল এই দুই বিষয়বস্তুৰ ওপৰত অধ্যয়ন সামৰে৷ পদাৰ্থবিজ্ঞান আৰু গণিত দুয়োটা বিষয়ৰে ইটোৰ লগত সিটোৰ পাৰস্পৰিক সম্পৰ্ক আছে৷ যিসকল শিক্ষাৰ্থী এই বিষয়টোৰ সৈতে জড়িত তেওঁলোকক পদাৰ্থবিদ হিচাপে জনা যায়৷ পদাৰ্থবিজ্ঞানে সাধাৰণতে প্ৰকৃতিৰ সাধাৰণ তত্ত্বসমূহৰ বিষয়ে অধ্যয়ন কৰে৷ দূৰসংযোগ, জীৱবিজ্ঞান, আভিযান্ত্ৰিক, ইলেকট্ৰনিকছ, জিঅ’ফিজিক্স, স্বাস্থ্য, ৰসায়নবিজ্ঞান আৰু পৰিৱহণ ইত্যাদি বিভিন্ন ক্ষেত্ৰত পদাৰ্থবিজ্ঞানৰ তত্ত্বসমূহ প্ৰয়োগ কৰা হয়৷

বিজ্ঞানৰ আন এক অন্যতম শাখা ৰসায়নবিজ্ঞানে ৰসায়নবিজ্ঞানৰ বিভিন্ন বিষয় আৰু শক্তিৰ বিষয়ে অধ্যয়ন আগবঢ়ায়৷ গণনাৰ দক্ষতা আৰু বিভিন্ন ধৰণৰ পৰীক্ষাৰ দক্ষতা, সমস্যা সমাধানৰ আৰ্হি ইত্যাদি বিভিন্ন ক্ষেত্ৰত ৰসায়নবিজ্ঞান অধ্যয়নে সহায় আগবঢ়ায়৷ কোনো পদাৰ্থৰ আকৃতি, আকাৰ, ঘনত্ব ইত্যাদিৰ বিন্যাস সম্পৰ্কে অধ্যয়ন কৰা হয় ৰসায়নবিজ্ঞানৰ জৰিয়তে৷

তাত্ত্বিক বিজ্ঞানৰ অন্যতম ভাগ গণিতে গঠন, পৰিমাণ, পৰিৱৰ্তন আৰু স্থান সম্পৰ্কে বিস্তৃত অধ্যয়ন আগবঢ়ায়৷ প্ৰত্যেকৰে জীৱনত গণিতশাস্ত্ৰ হৈছে এক অত্যন্ত আৱশ্যকীয় অংগ৷ বিশ্বব্যাপি গণিতশাস্ত্ৰক মেডিচিন, ইঞ্জিনিয়াৰিং, মনোবিজ্ঞান আৰু অৰ্থনীতিবিজ্ঞানৰ এক আৱশ্যকীয় তথা গুৰুত্বপূৰ্ণ আহিলা হিচাপে অভিহিত কৰা হৈছে৷ এই গণিতশাস্ত্ৰৰ আকৌ এক অন্যতম ভাগ হৈছে প্ৰায়োগিক বিজ্ঞান৷