আইনৰ এক গুৰুত্বপূৰ্ণ বিষয় – পৰিৱেশ আইন
আইন বিষয়টোত শিক্ষাৰ কথা ক’বলৈ গ’লে সাধাৰণতে সকলোৰে মনলৈ এক আগৰ পৰা নিৰ্ধাৰিত হৈ থকা ছবিয়েই আহে৷ আইন বিষয়ৰ স্নাতক ডিগ্ৰীধাৰীসকলৰ কাৰণে আন বহুতো এনে বিষয় বৰ্তমান সন্নিৱিষ্ট কৰা হৈছে, য’ত তেওঁলোকে এই বিষয়সমূহত আইনৰ স্নাতকোত্তৰ ডিগ্ৰী, পি.এইচ.ডি. আদি কৰিব পাৰে৷ তেনে এটা বিষয় হৈছে পৰিৱেশ আইন৷ পৰিৱেশবিজ্ঞান বিষয়টোৰ লগত এই পৰিৱেশ আইন বিষয়টো প্ৰত্যক্ষভাৱে একে নহয় যদিও দুয়োটাই পৰিৱেশবিষয়ক৷ পৰিৱেশবিজ্ঞান হৈছে বিজ্ঞানৰ এটা ভাগ, য’ত পৰিৱেশৰ ওপৰত সমাজৰ প্ৰভাৱ আদিৰ বিষয়ে বিশদভাৱে অধ্যয়ন কৰা হয়৷ পৰিৱেশ আইন হৈছে মূলতঃ পৰিৱেশ ৰক্ষা আদিৰ বিষয়ে অধ্যয়ন৷ বিভিন্ন প্ৰাকৃতিক সম্পদ, পৰিৱেশ আদিক আইনগতভাৱে সুৰক্ষা প্ৰদান কৰাই বিষয়টোৰ মূল বিষয়বস্তু৷