এইখিনি হৈছে কোনো এটা চাকৰি বিচৰাৰ ক্ষেত্ৰত প্ৰথম বা সাধাৰণ কৰিবলগীয়াখিনি। তদুপৰি চাকৰি প্ৰাৰ্থী এজনে আন বহুখিনি কৰিবলগীয়া থাকে। প্ৰথমেই তেওঁ কেনেধৰণৰ চাকৰি কৰিব বিচাৰে, সেয়া থিৰাং কৰাৰ পিছত সেই চাকৰি সম্বন্ধীয় বিভিন্ন তথ্য আহৰণ কৰাৰ লগতে বিভিন্ন কোম্পানীৰ বৰ্তমানৰ স্থিতি, বিজনেছ প্লেন, সাল-সলনি, নতুন সংযোজন আদি বিভিন্ন বিষয় জনা দৰকাৰ। কাৰণ আজিকালি ৮০-৯০ শতাংশ চাকৰি বিভিন্ন কোম্পানীৰ পৰা চিনাকি সূত্ৰে আহি নিয়োজিত হোৱা আৰু নতুনসকলৰ ক্ষেত্ৰত কেম্পাছ ইন্টাৰভিউৰ জৰিয়তে নিয়োজিত হোৱা দেখা যায়। কোনো এটা চাকৰিৰ ইন্টাৰভিউলৈ যাওঁতে সেই প্ৰতিষ্ঠান সম্বন্ধে যিমান পাৰি সিমান জ্ঞান আহৰণ কৰাৰ চেষ্টা কৰক। কাৰোবাৰ ৰেফাৰেন্সত যদি গৈছে তেনেহ’লে সেই ব্যক্তিৰ নামো স্পষ্টভাৱে ব্যৱহাৰ কৰক। শেষত নিজৰ কৰিবলগীয়াখিনি খুব সুন্দৰকৈ কৰি যাওক আৰু এক সুন্দৰ ভৱিষ্যতৰ দিশে অগ্ৰসৰ হওক।