বৃত্তিমূলক শিক্ষাই এজনক তেওঁৰ কামৰ ক্ষেত্ৰত উৎকৃষ্টখিনি আগবঢ়োৱাত সহায় কৰে। ' বৃত্তিমূলক শিক্ষা '- এই নামটোৱেই এটা কথা বুজায় যে যিকোনো বৃত্তি বা চাকৰি লাভৰ বাবেই প্ৰধানকৈ এই শিক্ষা। বৃত্তিমূলক শিক্ষাৰ শিক্ষাৰ্থীসকলৰ চাকৰিৰ ক্ষেত্ৰত সুযোগ - সুবিধাও আনতকৈ বেছি। যিসকল ছাত্ৰ - ছাত্ৰীয়ে কলেজ আদিৰ শিক্ষাগ্ৰহণ কৰাৰ পৰা বঞ্চিত হৈছে বা কলেজীয়া শিক্ষা সম্পূৰ্ণ কৰিব পৰা নাই তেওঁলোকেও এনে বৃত্তিমূলক শিক্ষাৰ জৰিয়তে স্বাৱলম্বী হ'ব পাৰে। এনেধৰণৰ শিক্ষাই এজন ব্যক্তিক স্বাৱলম্বী হোৱাৰ লগতে দায়িত্বশীল কৰি তোলে। বৃত্তিমূলক শিক্ষাই এজন ছাত্ৰ - ছাত্ৰীয়ে তেওঁ বিচৰা ধৰণৰ চাকৰি লাভ কৰাত সহায় কৰে। কাৰণ তেওঁ যি বিষয় অধ্যয়ন কৰে, সেই বিষয়ৰ ভিত্তিতে নিয়োজিত হয়। সাধাৰণতে দেখা যায় যে ছাত্ৰ - ছাত্ৰীসকলে টকাৰ প্ৰয়োজন বা আন বিভিন্ন সমস্যাৰ বাবেই হওক নিজৰ ইচ্ছা নাথাকিলে যিকোনো এটা চাকৰিত নিয়োজিত হ'বলৈ বাধ্য হয়। কিন্তু বৃত্তিমূলক শিক্ষাই এজনক তেওঁ অধ্যয়ন কৰা বিষয়ৰ ক্ষেত্ৰখনত নিয়োজিত কৰায়। আমাৰ দেশতো এনে বৃত্তিমূলক শিক্ষাৰ প্ৰসাৰ হোৱাত আগৰ তুলনাত ছাত্ৰ - ছাত্ৰীসকলক আজিকালি এনে শিক্ষাৰ প্ৰতি যথেষ্ঠ আগ্ৰহী হোৱা দেখা যায়। এনেধৰণৰ চাকৰিত যথেষ্ঠ শাৰীৰিক পৰিশ্ৰমো থাকে আৰু এনে পৰিশ্ৰমে এজনক শাৰীৰিকভাৱে স্বাস্থ্যৱান কৰি ৰাখে। বৃত্তিমূলক শিক্ষাৰ ছাত্ৰ - ছাত্ৰীসকলৰ বাবে বিদেশতো। চাকৰিৰ যথেষ্ঠ সুযোগ আছে। যিহেতু এনে শিক্ষাৰ চাহিদা প্ৰত্যেক দেশতেই থাকে। স্কুল - কলেজৰ শিক্ষা সম্পূৰ্ণ কৰিব নোৱাৰাসকলেও এনে শিক্ষাৰে নিজৰ এক সুন্দৰ ভৱিষ্যৎ গঢ়ি তুলিব পাৰে, কাৰণ এনে শিক্ষাই এজনক চাকৰিৰ বাবে সম্পূৰ্ণ প্ৰস্তুত কৰি তোলে। সেয়ে এনে বিষয় শিক্ষক বৃত্তিমূলক শিক্ষা বুলি কোৱা হয়।