কোনো এটা প্ৰতিষ্ঠান বা কোম্পেনীৰ বিভিন্ন বাৰ্তা প্ৰয়োজনীয় ঠিকনালৈ প্ৰেৰণ কৰাৰ ক্ষেত্ৰত যি বিভাগ দায়বদ্ধ বা যিটো বিভাগে এই প্ৰয়োজনীয় কামখিনি কৰে সেই বিভাগটোৱেই হৈছে কৰ্প’ৰেট কমিউনিকেচন বিভাগ। কোম্পেনী এটাক কেৱল প্ৰতিষ্ঠা কৰাই নহয়, ইয়াক কৰ্প’ৰেট জগতত তথা জনসাধাৰণৰ মাজত এক বিশেষ ঠাই দিয়াৰ ক্ষেত্ৰত এই বিভাগটোৰ ভূমিকা যথেষ্ট। তেওঁলোকে বিভিন্ন মাধ্যম, যেনে – প্ৰেছ ৰিলিজ, ই-মেইল, ৱেবছাইট, ছ’চিয়েল প্ৰগ্ৰেমিং, মেছেঞ্জাৰ আদিৰ জৰিয়তে কাম কৰে। কৰ্প’ৰেট কমিউনিকেচন বিভাগত জড়িত হ’ব খোজাসকলে চৰকাৰী বা বেচৰকাৰী দুয়োটা খণ্ডতে Corporate Communication বা Public Relation বিভাগত নিযুক্ত হ’ব পাৰে। ইয়াৰ উপৰি ইচ্ছুকসকলে সাংবাদিক বা Content Writer হিচাপেও স্বাধীনভাৱে কাম কৰিব পাৰে।